منتشر ہو کے سنورنے کی تمنا کرنا

منتشر ہو کے سنورنے کی تمنا کرنا

عشق میں ہوں سو مرا بنتا ہے ایسا کرنا

مجھ کو اس سانحے نے کر دیا پاگل آخر

اس نے چھوڑا ہی نہیں مجھ پہ بھروسہ کرنا

آپ اگر عام تماشائی ہیں تو اچھا ہے

مجھ کو آتا نہیں اچھے سے تماشہ کرنا

اس میں امکان جو در کا ہے وہ تو ہے ہی مگر

کام دیوار کا اک اور ہے سایہ کرنا

گونج بھی اس کی پلٹ آئے تو کہنا مجھ سے

تم خلاؤں میں مرا نام پکارا کرنا

ضد لگا رکھی ہے تو نے ہی اکیلے پن کی

چاہتا کون ہے ترکشؔ تجھے تنہا کرنا