نہ مے پی اور نہ پیمانہ ملا ہے
نہ مے پی اور نہ پیمانہ ملا ہے
یوں ملنے کو تو مے خانہ ملا ہے
نہ آیا جس کے در سے کوئی خالی
وہ خود حال فقیرانہ ملا ہے
خضر ڈھونڈے ہے جس کے نقش پا کو
مجھے اک ایسا دیوانہ ملا ہے
الٰہی خیر ہو اب مے کدہ کی
بہکتا پیر مے خانہ ملا ہے
یہ کیا دل کی صداؤں کا اثر ہے
کہ وہ بے اختیارانہ ملا ہے
سلامت التفات چشم ساقی
کہ کرتا رقص مے خانہ ملا ہے
جھجکتی اور جھکی نظروں سے راغبؔ
سلام ان کا حجابانہ ملا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
