پہلے پہلے بلایا گیا ڈاکیہ
پہلے پہلے بلایا گیا ڈاکیہ
پھر کئی بار آیا گیا ڈاکیہ
کچے رستوں سے نکلا تو خط گر پڑے
ایک پتھر سے ٹکرا گیا ڈاکیہ
لوگ دیوار و در سے لپٹنے لگے
ایک دن گاؤں میں آ گیا ڈاکیہ
کچے گھر کی پہنچ سے بہت دور تھا
باد و باراں سے گھبرا گیا ڈاکیہ
دل پہ دستک سنائی نہ دی پھر کبھی
آنکھ سے دور ہوتا گیا ڈاکیہ
ہاتھ ملتی رہی خواہش خواندگی
جو بتایا وہ لکھتا گیا ڈاکیہ
آخری خط لیے آخری موڑ پر
آخری بار دیکھا گیا ڈاکیہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
