Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pareshan haal daman dhajjiyan surat faqirana

Talib Jaipuri

pareshan haal daman dhajjiyan surat faqirana

Talib Jaipuri

MORE BYTalib Jaipuri

    pareshān haal dāman dhajjiyāñ sūrat faqīrāna

    ye terā tālib-e-nāshād hai koī dīvāna

    na ho kuchh aur to itnī nisbat tujh se ho jaa.e

    jidhar jā.ūñ zamāna mujh ko samjhe terā dīvāna

    koī to baat hai jo sham.a ke aañsū nahīñ thamte

    abhī kyā kahte kahte ho gayā ḳhāmosh parvāna

    hazāroñ hasrateñ ābād haiñ lākhoñ tamannā.eñ

    isī dil meñ ba-zāhir jo nazar aatā hai vīrāna

    pilā de mai-kada-bar-dosh āñkhoñ se mujhe saaqī

    uThā le mere aage se ye shīsha aur paimāna

    mirī rūdād-e-ġham allah allah ye hama-gīrī

    samajhtā hai use har sunñe vaalā apnā afsāna

    mohabbat na ho gar kār-farmā.ī to duniyā meñ

    hujūm-e-bulbul-o-gul ho na bazm-e-sham-o-parvāna

    janāb-e-nāseh-e-mushfiq haiñ kuchh kho.e hue 'tālib'

    kisī kāfir ko shāyad dekh aa.e be-hijābāna

    pareshan haal daman dhajjiyan surat faqirana

    ye tera talib-e-nashad hai ya koi diwana

    na ho kuchh aur to itni hi nisbat tujh se ho jae

    jidhar jaun zamana mujh ko samjhe tera diwana

    koi to baat hai jo shama ke aansu nahin thamte

    abhi kya kahte kahte ho gaya KHamosh parwana

    hazaron hasraten aabaad hain lakhon tamannaen

    isi dil mein ba-zahir jo nazar aata hai virana

    pila de mai-kada-bar-dosh aankhon se mujhe saqi

    uTha le mere aage se ye shisha aur paimana

    meri rudad-e-gham ki allah allah ye hama-giri

    samajhta hai use har sunne wala apna afsana

    mohabbat ki na ho gar kar-farmai to duniya mein

    hujum-e-bulbul-o-gul ho na bazm-e-sham-o-parwana

    janab-e-naseh-e-mushfiq hain kuchh khoe hue 'talib'

    kisi kafir ko shayad dekh aae be-hijabana

    Source :
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now