پھل کا اتنا تو دام ہے ہی نہیں

پھل کا اتنا تو دام ہے ہی نہیں

صرف گٹھلی ہے آم ہے ہی نہیں

اب سناؤں میں شعر غالبؔ کے

اتنی قابل عوام ہے ہی نہیں

آج حیرت میں ہیں جو کہتے تھے

تیرے بس کا یہ کام ہے ہی نہیں

جس میں محبوب ملنے آیا ہو

اس سے اچھی تو شام ہے ہی نہیں

عمر بیتی تو یہ سمجھ آیا

زندگی میں قیام ہے ہی نہیں

کیوں کریں انتظار باری کا

لسٹ میں جب یہ نام ہے ہی نہیں

دل کو مرضی چلانی ہے اپنی

دل کسی کا غلام ہے ہی نہیں

آج حسامؔ ہیں مزے ہی مزے

آج دفتر میں کام ہے ہی نہیں