قطرۂ اشک نہیں روشنی کرنے کے لئے

قطرۂ اشک نہیں روشنی کرنے کے لئے

رات باقی ہے ابھی کتنی گزرنے کے لئے

زندگی چاہتی ہے تو میں تجھے ملنے آؤں

یہاں فرصت بھی نہیں ہے مجھے مرنے کے لئے

اے ہوا اور مجھے کتنا سمیٹے گی اب

پیڑ تیار ہے یہ کب سے بکھرنے کے لئے

جانے کس بہتے ہوئے دریا کی پرچھائیں ہے دہر

کوئی کشتی بھی نہیں پار اترنے کے لئے

اک خدا اس نے بنایا تھا کہ ہم پیار کریں

اک خدا ہم نے بنایا ہے سو ڈرنے کے لئے

میری تصویر مکمل نہیں کرنا ثانیؔ

کام کچھ تو ہو مرے واسطے کرنے کے لئے