rahen dhuan dhuan hain safar gard gard hai

Asad Raza

rahen dhuan dhuan hain safar gard gard hai

Asad Raza

MORE BYAsad Raza

    rāheñ dhuāñ dhuāñ haiñ safar gard gard hai

    ye manzil-e-murād to bas dard dard hai

    apne paḌosiyoñ ko bhī pahchāntā nahīñ

    mahsūr apne ḳhol meñ ab fard fard hai

    is mausam-e-bahār meñ ai bāġhbāñ batā

    chehra har ek phuul kyuuñ zard zard hai

    laffāziyoñ garm hai bāzār kis qadar

    dast-e-amal hamārā magar sard sard hai

    kaisā tazād shāḳh-e-tamannā meñ hai 'asad'

    ḳhud ye harī harī hai samar zard zard hai

    rahen dhuan dhuan hain safar gard gard hai

    ye manzil-e-murad to bas dard dard hai

    apne paDosiyon ko bhi pahchanta nahin

    mahsur apne KHol mein ab fard fard hai

    is mausam-e-bahaar mein ai baghban bata

    chehra har ek phul ka kyun zard zard hai

    laffaziyon ka garm hai bazar kis qadar

    dast-e-amal hamara magar sard sard hai

    kaisa tazad shaKH-e-tamanna mein hai 'asad'

    KHud ye hari hari hai samar zard zard hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY