راز دل کیا زبان سے نکلا
راز دل کیا زبان سے نکلا
گھر کا بھیدی مکان سے نکلا
کیا ملا حال دل بیاں کر کے
کیا نتیجہ بیان سے نکلا
ہو گیا ہم کنار منزل شوق
دل جو وہم و گمان سے نکلا
رات خلوت میں چین سے گزری
دل کا ارمان شان سے نکلا
آ گیا دل کا خون مژگاں پر
در شہوار کان سے نکلا
جب کہا میں نے آپ آئیں گے
یک بیک ہاں زبان سے نکلا
ہوں گے دونوں جہاں تہ و بالا
وہ کبھی لا مکان سے نکلا
وہ یہ کہتے ہیں کھینچ لیں گے زباں
حرف کوئی زبان سے نکلا
آہ یوں دل سے شام غم نکلی
تیر جیسے کمان سے نکلا
لب کھلے رہ گئے سر محفل
کیا کہا کیا زبان سے نکلا
مفت میں اے گرامیؔ خوار ہوئے
کام کیا پاسبان سے نکلا
مأخذ:
نقوش گرامی (Pg. 64)
- مصنف: گرامی چشتی
-
- ناشر: بزم گرامی گھنڈوہ
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
