aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

رنج دنیا فکر عقبیٰ جانے کیا کیا دل میں ہے

شعلہ کراروی

رنج دنیا فکر عقبیٰ جانے کیا کیا دل میں ہے

شعلہ کراروی

MORE BYشعلہ کراروی

    دلچسپ معلومات

    اردواسٹڈی سرکل بسلسلہ غالب ڈے11 جنوری 1969ء

    رنج دنیا فکر عقبیٰ جانے کیا کیا دل میں ہے

    زندگی دو دن کی اپنی سیکڑوں مشکل میں ہے

    راہ الفت میں بہت کچھ خاک بھی چھانی مگر

    میری جانب سے غبار اب تک کسی کے دل میں ہے

    وہ جفا پیشہ جفا جو ہے جفا اس کی سرشت

    جس کو کہتے ہیں وفا وہ میرے آب و گل میں ہے

    تہہ نشیں ہو کر ملی موج حوادث سے نجات

    کشتئ عمر رواں اب دامن ساحل میں ہے

    سخت جانی سے مری پالا اگر پڑتا اسے

    دیکھتا پھر زور کتنا بازوئے قاتل میں ہے

    اپنی اپنی گا رہے ہیں دونوں شیخ و برہمن

    دیر و کعبہ میں کہاں ہے جو حریم دل میں ہے

    مرحلے ہر روز انساں کو نئے آتے ہیں پیش

    آج اس منزل میں ہے کل دوسری منزل میں ہے

    کچھ تو پاس حسن کچھ ان کی نظر کا سامنا

    وہ زباں پر لا نہیں سکتا جو میرے دل میں ہے

    جانتا ہوں گو مآل حضرت آدم مگر

    کوئے جاناں کی تمنا پھر بھی میرے دل میں ہے

    دیکھیے آئینۂ پیری میں پھر بچپن کا حال

    عہد ماضی کی جھلک کچھ عہد مستقبل میں ہے

    سوچ کر فریاد کا انجام میں خاموش ہوں

    ورنہ اب بھی قوت فریاد میرے دل میں ہے

    ہے شکست بے ستوں معیار استعداد عشق

    کوہ کن کا نام فرد جوہر قابل میں ہے

    عشق مجنوں نے کچھ اونچا کر دیا معیار حسن

    ورنہ لیلیٰ کی حقیقت پردۂ محمل میں ہے

    کوئی ہے ساغر بکف کوئی صراحی در بغل

    تشنہ کام اب تک مگر شعلہؔ تری محفل میں ہے

    مأخذ:

    Naghmah-e-Fikr (Pg. 157)

    • مصنف: Shola Saiyed Momin Husain Taqvi Kararivi
      • اشاعت: 1968
      • ناشر: Shabistan 218 Shahah ganj Allahabad
      • سن اشاعت: 1968

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے