رس گھولتے شیریں لفظوں کی تاثیر سے خوشبو آتی ہے

رس گھولتے شیریں لفظوں کی تاثیر سے خوشبو آتی ہے

انداز بیاں سے لہجے سے تقریر سے خوشبو آتی ہے

سب حرف چمکنے لگتے ہیں جب حرف تمنا لکھتا ہوں

ہر سانس مہکنے لگتی ہے تحریر سے خوشبو آتی ہے

میں رات گئے سناٹوں میں تعبیریں لکھتا رہتا ہوں

جب گرہیں کھلنے لگتی ہیں تعبیر سے خوشبو آتی ہے

جب ظلم حصار بناتا ہے تو خوف کی سرحد بنتی ہے

جب عشق حصار بناتا ہے زنجیر سے خوشبو آتی ہے

اک عشق آباد بسانے میں یعنی پورے افسانے میں

تہذیب تمنا میں کھوئی تعمیر سے خوشبو آتی ہے