سارے موسم ہیں مہربان سے کچھ
سارے موسم ہیں مہربان سے کچھ
روز اترتا ہے آسمان سے کچھ
ہر عبارت سوال جیسی ہے
لفظ غائب ہیں درمیان سے کچھ
کس کی لو نے جلا دیا کس کو
راکھ میں ہیں ابھی نشان سے کچھ
کس سے تفسیر ماہ و سال کریں
دن گزرتے ہیں بے امان سے کچھ
کیا خبر یہ کہاں تلک پھیلے
اٹھ رہا ہے دھواں گمان سے کچھ
کارواں کس کا منزلیں کس کی
کیا جھلکتا ہے داستان سے کچھ
ایک تصویر روشنی لے کر
سائے نکلے تو ہیں مکان سے کچھ
اس قدر اعتبار کر لیجے
ربط رکھتا ہوں خاندان سے کچھ
تم بھی اس وقت سے ڈرو لوگو
جب نکل جائے اس زبان سے کچھ
مأخذ:
Imkan Ki Talash (Pg. 132)
- مصنف: اسحاق اطہر صدیقی
-
- اشاعت: 2007
- ناشر: حرا فاؤنڈیشن پاکستان، کراچی
- سن اشاعت: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
