سب کہاں کچھ لالہ و گل میں نمایاں ہو گئیں

مرزا غالب

سب کہاں کچھ لالہ و گل میں نمایاں ہو گئیں

مرزا غالب

MORE BY مرزا غالب

    سب کہاں کچھ لالہ و گل میں نمایاں ہو گئیں

    خاک میں کیا صورتیں ہوں گی کہ پنہاں ہو گئیں

    یاد تھیں ہم کو بھی رنگا رنگ بزم آرائیاں

    لیکن اب نقش و نگار طاق نسیاں ہو گئیں

    تھیں بنات النعش گردوں دن کو پردے میں نہاں

    شب کو ان کے جی میں کیا آئی کہ عریاں ہو گئیں

    قید میں یعقوب نے لی گو نہ یوسف کی خبر

    لیکن آنکھیں روزن دیوار زنداں ہو گئیں

    سب رقیبوں سے ہوں نا خوش پر زنان مصر سے

    ہے زلیخا خوش کہ محو ماہ کنعاں ہو گئیں

    جوئے خوں آنکھوں سے بہنے دو کہ ہے شام فراق

    میں یہ سمجھوں گا کہ شمعیں دو فروزاں ہو گئیں

    ان پری زادوں سے لیں گے خلد میں ہم انتقام

    قدرت حق سے یہی حوریں اگر واں ہو گئیں

    نیند اس کی ہے دماغ اس کا ہے راتیں اس کی ہیں

    تیری زلفیں جس کے بازو پر پریشاں ہو گئیں

    میں چمن میں کیا گیا گویا دبستاں کھل گیا

    بلبلیں سن کر مرے نالے غزل خواں ہو گئیں

    وہ نگاہیں کیوں ہوئی جاتی ہیں یارب دل کے پار

    جو مری کوتاہیٔ قسمت سے مژگاں ہو گئیں

    بسکہ روکا میں نے اور سینے میں ابھریں پے بہ پے

    میری آہیں بخیۂ چاک گریباں ہو گئیں

    واں گیا بھی میں تو ان کی گالیوں کا کیا جواب

    یاد تھیں جتنی دعائیں صرف درباں ہو گئیں

    جاں فزا ہے بادہ جس کے ہاتھ میں جام آ گیا

    سب لکیریں ہاتھ کی گویا رگ جاں ہو گئیں

    ہم موحد ہیں ہمارا کیش ہے ترک رسوم

    ملتیں جب مٹ گئیں اجزائے ایماں ہو گئیں

    رنج سے خوگر ہوا انساں تو مٹ جاتا ہے رنج

    مشکلیں مجھ پر پڑیں اتنی کہ آساں ہو گئیں

    یوں ہی گر روتا رہا غالبؔ تو اے اہل جہاں

    دیکھنا ان بستیوں کو تم کہ ویراں ہو گئیں

    ویڈیو
    This video is playing from YouTube

    Videos
    This video is playing from YouTube

    حنا نصراللہ

    حنا نصراللہ

    کملا جھریا

    کملا جھریا

    ذوالفقار علی بخاری

    ذوالفقار علی بخاری

    RECITATIONS

    شمس الرحمن فاروقی

    شمس الرحمن فاروقی

    نعمان شوق

    نعمان شوق

    شمس الرحمن فاروقی

    سب کہاں کچھ لالہ و گل میں نمایاں ہو گئیں شمس الرحمن فاروقی

    مآخذ:

    • Book : Deewan-e-Ghalib Jadeed (Al-Maroof Ba Nuskha-e-Hameedia) (Pg. 283)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY