شکستہ پا ہی چلیں گے شکستہ پا کی طرف

شکستہ پا ہی چلیں گے شکستہ پا کی طرف

سو ہم پلٹنے لگے ہیں تری سدا کی طرف

جنہیں سنورنا ہو سب اس کے ساتھ ہو جائیں

بھٹکنے والے چلیں میرے نقش پا کی طرف

خموشی کھینچ کے لائی مجھے وجود تلک

وجود کھینچ کے لایا ہے مجھ کو لا کی طرف

میں چیختا رہا تنہا سوال کرتا رہا

ہزار لوگ کھڑے تھے مگر خدا کی طرف

وہ اپنی رو میں مگن ہے ہم اپنے دھیان میں گم

ہوا ہماری طرف ہے نہ ہم ہوا کی طرف

وہ مجھ کو پار لگانے کی ضد پے اٹکا ہے

اور ہنس کے دیکھ رہا ہوں میں ناخدا کی طرف

میں جنگلوں کی طرف سے صدا لگاتا تھا

خزاں کی رت میں بہاروں کے دیوتا کی طرف