soz-e-gham se jigar jal raha hai magar mera dard-e-nihan aashkara nahin

Vafa Malikpuri

soz-e-gham se jigar jal raha hai magar mera dard-e-nihan aashkara nahin

Vafa Malikpuri

MORE BYVafa Malikpuri

    soz-e-ġham se jigar jal rahā hai magar mirā dard-e-nihāñ āshkārā nahīñ

    ghuT ke marnā gavārā hai ai chāra-gar rāz-e-ulfat ayaañ ho gavārā nahīñ

    sham.a jaltī rahī raat Dhaltī rahī nabz-e-bīmār ruk ruk ke chaltī rahī

    aa ke dam bhar ke mehmāñ ko ab dekh lo is ke bachne koī sahārā nahīñ

    bach ke tūfāñ zad se kahāñ jā.egā ab kahāñ tak talātum se Takrā.egā

    is safīne ko ab Duub jaane bhī do jis qismat meñ koī kinārā nahīñ

    hai chaman to vahī vo nasheman kahāñ chand tinkoñ ḳhātir chaleñ āñdhiyāñ

    ab vo jhoñke nahīñ ab vo tūfān nahīñ ab vo sho.ale nahīñ vo sharārā nahīñ

    ḳhār-o-gul meñ hai bāham ye paikār kyā ye jafā-o-vafā meñ hai takrār kyā

    dil baazī meñ hai jiit kyā haar kyā husn jiitā nahīñ ishq haarā nahīñ

    jis se bazm-e-vafā meñ charāġhāñ na ho dil vīrān bastī gulistāñ na ho

    ye tabassum to koī tabassum nahīñ ye ishārā to koī ishārā nahīñ

    dil se bigḌī ḳhirad se ḳhafā ho gayā dīn-o-duniyā se nā-āshnā ho gayā

    baiThe baiThe 'vafā' ko ye kyā ho gayā ab tumhārā karam bhī gavārā nahīñ

    soz-e-gham se jigar jal raha hai magar mera dard-e-nihan aashkara nahin

    ghuT ke marna gawara hai ai chaara-gar raaz-e-ulfat ayan ho gawara nahin

    shama jalti rahi raat Dhalti rahi nabz-e-bimar ruk ruk ke chalti rahi

    aa ke dam bhar ke mehman ko ab dekh lo is ke bachne ka koi sahaara nahin

    bach ke tufan ki zad se kahan jaega ab kahan tak talatum se Takraega

    is safine ko ab Dub jaane bhi do jis ki qismat mein koi kinara nahin

    hai chaman to wahi wo nasheman kahan chand tinkon ki KHatir chalen aandhiyan

    ab wo jhonke nahin ab wo tufan nahin ab wo shoale nahin wo sharara nahin

    KHar-o-gul mein hai baham ye paikar kya ye jafa-o-wafa mein hai takrar kya

    dil ki bazi mein hai jit kya haar kya husn jita nahin ishq haara nahin

    jis se bazm-e-wafa mein charaghan na ho dil ki viran basti gulistan na ho

    ye tabassum to koi tabassum nahin ye ishaara to koi ishaara nahin

    dil se bigDi KHirad se KHafa ho gaya din-o-duniya se na-ashna ho gaya

    baiThe baiThe 'wafa' ko ye kya ho gaya ab tumhaara karam bhi gawara nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY