سن لے یہ التماس مرا دوستانہ ہے
سن لے یہ التماس مرا دوستانہ ہے
ہشیار ہو کہ تیر اجل کا نشانہ ہے
کب تک رہے گی مسند کمخواب زیر پا
کاہے خمیدہ یار ترا شامیانہ ہے
دنیا کے مخمصے ہیں یہ فرزند و اقربا
بیگانہ سب سے ہو کہ اجل کا یگانہ ہے
اے عندلیب جان چمن جسم پر نہ پھول
ویرانہ ایک روز ترا آشیانہ ہے
انفاس مستعار پہ کیا اعتبار زیست
اک دم میں مثل موج صبا تو روانہ ہے
یہ جلوہ ہاے بو قلموں بے ثبات ہیں
ہے زندگی طلسم جہاں اک فسانہ ہے
رکتی نہیں ہے باگ کسی شہسوار سے
ہر دم سمند عمر کو اک تازیانہ ہے
کیا سر کشان دہر کے قصے نہیں سنے
کیا ہو گئے وہ لوگ کہاں وہ زمانہ ہے
کہنا تھا جو نسیمؔ تجھے سب سنا چکے
نزدیک اختتام ترا کارخانہ ہے
مأخذ:
Kulliyat-e-Naseem (Pg. 434)
- مصنف: نسیم دہلوی
-
- اشاعت: 1966
- ناشر: سید امتیاز علی تاج, مجلس ترقی ادب، لاہور
- سن اشاعت: 1966
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
