تیری عنایت کے بنا یہ نام میرا کچھ نہیں

تیری عنایت کے بنا یہ نام میرا کچھ نہیں

تجھ سے جدا ہو جاؤں گا تو دام میرا کچھ نہیں

کالک سے مجھ کو آنکھ کا کاجل بنانے کے لیے

جو بھی کیا تو نے کیا ہے کام میرا کچھ نہیں

جس نے مجھے بخشا ہنر وہ داد کا حق دار ہے

اکرام یا اعجاز یا انعام میرا کچھ نہیں

یہ زندگی تو ہر قدم لیتی ہے میرا امتحاں

لیکن کبھی شکوہ کوئی الزام میرا کچھ نہیں

مجھ سے نہیں تو اس خدا سے مانگ جو دیتا ہے سب

تیری طرح میں بھی ہوں اک مہمان میرا کچھ نہیں