teri kami se KHushi ka bohran baDh gaya hai

tirī kamī se ḳhushī kā bohrān baḌh gayā hai

so shahr meñ ḳhud-kushī kā ruj.hān baḌh gayā hai

hamārā ik aur dost aaj us ko dekh aayā

hamāre halqe meñ ek hairān baḌh gayā hai

bharūñgā maiñ shāhrāh-e-ġham par izāfī mahsūl

muqarrara had se merā sāmān baḌh gayā hai

junūñ lagāyā thā 'ishq ke kārobār meñ sab

tū naf' chhoḌ asl zar se nuqsān baḌh gayā hai

tū ġhair-maujūdgī meñ bhī hai kuchh itnā maujūd

ḳhudā kī maujūdgī pe īmān baḌh gayā hai

ise baḌhāyā to koī shiryān phaT na jaa.e

fishār-e-ḳhūn is ġhazal ke daurān baḌh gayā hai

ga.e vo din jaan de ke jab jaan chhūT jaatī

'umair' ab āgahī kā tāvān baḌh gayā hai

teri kami se KHushi ka bohran baDh gaya hai

so shahr mein KHud-kushi ka rujhan baDh gaya hai

hamara ek aur dost aaj us ko dekh aaya

hamare halqe mein ek hairan baDh gaya hai

bharunga main shahrah-e-gham par izafi mahsul

muqarrara had se mera saman baDh gaya hai

junun lagaya tha 'ishq ke karobar mein sab

tu naf' chhoD asl zar se nuqsan baDh gaya hai

tu ghair-maujudgi mein bhi hai kuchh itna maujud

KHuda ki maujudgi pe iman baDh gaya hai

ise baDhaya to koi shiryan phaT na jae

fishaar-e-KHun is ghazal ke dauran baDh gaya hai

gae wo din jaan de ke jab jaan chhuT jati

'umair' ab aagahi ka tawan baDh gaya hai