tujh bin bahut hi kaTti hai auqat be-tarah

tujh bin bahut hī kaTtī hai auqāt be-tarah

jūñ-tūñ ke din to guzre hai par raat be-tarah

hotī hai ek tarah se har kaam kī jazā

a.amāl-e-ishq kī hai mukāfāt be-tarah

bulbul kar us chaman meñ samajh kar Tuk āshiyāñ

sayyād lag rahā hai tirī ghaat be-tarah

pūchhā payām-bar se jo maiñ yaar kā javāb

kahne lagā ḳhamosh ki hai baat be-tarah

milne na degā ham se tujhe ek-dam raqīb

pīchhe lagā phire hai vo bad-zāt be-tarah

koī hī mor hai to rahe is meñ shaiḳh-jī

dāḌhī paḌī hai shāne ke ab haath be-tarah

'saudā' na mil kar apnī tū ab zindagī pe rahm

hai us javāñ kī tarz-e-mulāqāt be-tarah

tujh bin bahut hi kaTti hai auqat be-tarah

jun-tun ke din to guzre hai par raat be-tarah

hoti hai ek tarah se har kaam ki jaza

aamal-e-ishq ki hai mukafat be-tarah

bulbul kar us chaman mein samajh kar Tuk aashiyan

sayyaad lag raha hai teri ghat be-tarah

puchha payam-bar se jo main yar ka jawab

kahne laga KHamosh ki hai baat be-tarah

milne na dega hum se tujhe ek-dam raqib

pichhe laga phire hai wo bad-zat be-tarah

koi hi mor hai to rahe is mein shaiKH-ji

daDhi paDi hai shane ke ab hath be-tarah

'sauda' na mil kar apni tu ab zindagi pe rahm

hai us jawan ki tarz-e-mulaqat be-tarah