tumko ye hai agar yaqin dil mein wo jalwa-gar nahin

Bismil Allahabadi

tumko ye hai agar yaqin dil mein wo jalwa-gar nahin

Bismil Allahabadi

MORE BYBismil Allahabadi

    Interesting Fact

    Mushaira on 04 Nov 1926 at Banaras Queens College

    tum ko ye hai agar yaqīñ dil meñ vo jalva-gar nahīñ

    DhūñDhā karo tamām umr milne umr-bhar nahīñ

    aa.e na aa.e be-ḳhabar kyā tujhe ye ḳhabar nahīñ

    saañs e'tibār kyā shaam hai to sahar nahīñ

    dair ho ka.aba ho ki dil kis meñ vo jalva-gar nahīñ

    dekh sakūñ magar use itnī mirī nazar nahīñ

    kunj-e-qafas meñ andalīb muztar-o-bekas-o-ġharīb

    kahne ko bāl-o-par to haiñ uḌne ko bāl-o-par nahīñ

    dil meñ balā josh hai sar liye sarfarosh hai

    jiine hosh hai kahāñ marne us ko Dar nahīñ

    toḌ rahā hai aaj dam ġham meñ koī marīz-e-ġham

    phir bhī haiñ aap be-ḳhabar aap ko kuchh ḳhabar nahīñ

    jaan ga.e ye mar ke ham mulk-e-adam thā do-qadam

    ḳhatm ho jald jo safar aisā koī safar nahīñ

    parde meñ aap baiTh kar rakhte haiñ har taraf nazar

    aur zabān par ye hai shoḳh mirī nazar nahīñ

    lab pe hai nāra-e-alast jhuum rahā hai koī mast

    chhā.ī hai aisī be-ḳhudī apnī use ḳhabar nahīñ

    uf ye mirā nasīb-e-bad ke banī kahāñ lahad

    sab hai rahguzar jahāñ aap rahguzar nahīñ

    baat ye tum ne sach kahī 'bismil' be-hunar sahī

    ye bhī hai ik baḌā hunar is meñ koī hunar nahīñ

    tum ko ye hai agar yaqin dil mein wo jalwa-gar nahin

    DhunDha karo tamam umr milne ka umr-bhar nahin

    aae na aae be-KHabar kya tujhe ye KHabar nahin

    sans ka e'tibar kya sham hai to sahar nahin

    dair ho kaba ho ki dil kis mein wo jalwa-gar nahin

    dekh sakun magar use itni meri nazar nahin

    kunj-e-qafas mein andalib muztar-o-bekas-o-gharib

    kahne ko baal-o-par to hain uDne ko baal-o-par nahin

    dil mein bala ka josh hai sar liye sarfarosh hai

    jine ka hosh hai kahan marne ka us ko Dar nahin

    toD raha hai aaj dam gham mein koi mariz-e-gham

    phir bhi hain aap be-KHabar aap ko kuchh KHabar nahin

    jaan gae ye mar ke hum mulk-e-adam tha do-qadam

    KHatm ho jald jo safar aisa koi safar nahin

    parde mein aap baiTh kar rakhte hain har taraf nazar

    aur zaban par ye hai shoKH meri nazar nahin

    lab pe hai nara-e-alast jhum raha hai koi mast

    chhai hai aisi be-KHudi apni use KHabar nahin

    uf ye mera nasib-e-bad ja ke bani kahan lahad

    sab ki hai rahguzar jahan aap ki rahguzar nahin

    baat ye tum ne sach kahi 'bismil' be-hunar sahi

    ye bhi hai ek baDa hunar is mein koi hunar nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY