تو نے مہجور کر دیا ہم کو

امام بخش ناسخ

تو نے مہجور کر دیا ہم کو

امام بخش ناسخ

MORE BYامام بخش ناسخ

    تو نے مہجور کر دیا ہم کو

    سخت رنجور کر دیا ہم کو

    اپنی برق نگاہ سے تم نے

    شجر طور کر دیا ہم کو

    دل بنا عاشقی میں خود مختار

    اور مجبور کر دیا ہم کو

    ایسی تعریف کی کہ اے واعظ

    عاشق حور کر دیا ہم کو

    غم نہیں محتسب جو توڑ کے خم

    نشہ نے چور کر دیا ہم کو

    جس قدر ہم سے تم ہوئے نزدیک

    اس قدر دور کر دیا ہم کو

    کبھی بار غم فراق اتار

    تو نے مزدور کر دیا ہم کو

    ہو گیا مے سے نشۂ عرفان

    نار نے نور کر دیا ہم کو

    تھے تو مقہور ہونے کے لائق

    بارے مغفور کر دیا ہم کو

    مآخذ :
    • کتاب : Ghazal Usne Chhedi(2) (Pg. 174)
    • Author : Farhat Ehsas
    • مطبع : Rekhta Books (2017)
    • اشاعت : 2017

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY