عمر بھر چارۂ جنوں نہ ہوا
عمر بھر چارۂ جنوں نہ ہوا
اب یہ کیا سوچیے کہ کیوں نہ ہوا
نہیں معلوم کیوں طبیعت میں
آج رونے سے کچھ سکوں نہ ہوا
کہیں وہ مائل کرم ہی نہ ہوں
مسکرائے تو غم فزوں نہ ہوا
ہم پئیں بھی تو کیا پئیں یہ مے
بھر گیا جام لالہ گوں نہ ہوا
شاید اب کے برس ہے ختم جنوں
فصل گل میں مجھے جنوں نہ ہوا
عشق کا ذکر شعر میں کیوں ہے
یہ تو عالیؔ غم دروں نہ ہوا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
