unki aaraish se mere kaam ban jaenge kya

un kī ārā.ish se mere kaam ban jā.eñge kyā

dil kī gutthī shāna-hā-e-zulf suljhā.eñge kyā

vasl ke va.ade se ḳhush ho kar na mar jā.eñge kyā

nāma-bar hañstā huā aatā hai ḳhud ā.eñge kyā

qaidī-e-ġham turbatoñ meñ aur un ko ye ḳhayāl

kāTne meñ ik shab-e-furqat ke mar jā.eñge kyā

kaam apnā kar chuke ahl-e-vafā shak hai to ho

sar nahīñ baaqī shahīdoñ ke qasam khā.eñge kyā

arz-e-matlab ke liye ai dil zabāñ khultī nahīñ

kuchh ishāre maiñ karūñgā vo samajh jā.eñge kyā

haath idhar uThtā nahīñ hai taar udhar baaqī nahīñ

deñge vo kyā aur ham dāman ko phailā.eñge kyā

qissa-e-farhād-o-majnūñ kyuuñ sunāte ho hameñ

jab pareshānī se matlab hai to ghabrā.eñ kyā

mehmān-e-kū-e-jānāñ ho ke dil betāb hai

maiñ to samjhātā nahīñ vo bhī na samjhā.eñge kyā

mast rahte haiñ hamesha mai-faroshān-e-jamāl

ham to māñgeñge koī sāġhar vo farmā.eñge kyā

kyuuñ na chup baiThūñ qafas meñ duur hī fasl-e-bahār

āh-o-zārī se mirī mausam badal jā.eñge kyā

tinke tinke kā ḳhudā-hāfiz chale ham baaġh se

alvidā.a ai āshiyāñ ab jā ke phir ā.eñge kyā

dil kī bīmārī kā uqda kholnā dushvār hai

jo nahīñ samjhe vo 'sāqib' mujh ko samjhā.eñge kyā

un ki aaraish se mere kaam ban jaenge kya

dil ki gutthi shana-ha-e-zulf suljhaenge kya

wasl ke wade se KHush ho kar na mar jaenge kya

nama-bar hansta hua aata hai KHud aaenge kya

qaidi-e-gham turbaton mein aur un ko ye KHayal

kaTne mein ek shab-e-furqat ke mar jaenge kya

kaam apna kar chuke ahl-e-wafa shak hai to ho

sar nahin baqi shahidon ke qasam khaenge kya

arz-e-matlab ke liye ai dil zaban khulti nahin

kuchh ishaare main karunga wo samajh jaenge kya

hath idhar uThta nahin hai tar udhar baqi nahin

denge wo kya aur hum daman ko phailaenge kya

qissa-e-farhad-o-majnun kyun sunate ho hamein

jab pareshani se matlab hai to ghabraen kya

mehman-e-ku-e-jaanan ho ke dil betab hai

main to samjhata nahin wo bhi na samjhaenge kya

mast rahte hain hamesha mai-faroshan-e-jamal

hum to mangenge koi saghar wo farmaenge kya

kyun na chup baiThun qafas mein dur hi fasl-e-bahaar

aah-o-zari se meri mausam badal jaenge kya

tinke tinke ka KHuda-hafiz chale hum bagh se

alwidaa ai aashiyan ab ja ke phir aaenge kya

dil ki bimari ka uqda kholna dushwar hai

jo nahin samjhe wo 'saqib' mujh ko samjhaenge kya