waqif the kahan hum dil-e-na-chaar se pahle

Sarwar Alam Raz

waqif the kahan hum dil-e-na-chaar se pahle

Sarwar Alam Raz

MORE BYSarwar Alam Raz

    vāqif the kahāñ ham dil-e-nā-chār se pahle

    kam-baḳht mohabbat ke is āzār se pahle

    nazreñ to uThāte zarā dīvār se pahle

    ik aan to mil baiThte takrār se pahle

    dīvāna koī lā.eñge mujh jaisā kahāñ se

    sochā nahīñ ye aap ne inkār se pahle

    pā-basta jigar-e-soḳhta dil-gīr zabāñ band

    sau zulm sahe dīda-e-ḳhūñ-bār se pahle

    ye koī nayā tarz-e-taġhāful to nahīñ hai

    aisī to na thī dostī āġhyār se pahle

    āsūda-e-ġham-hā-e-ḳhizāñ ho ga.e āḳhir

    phūloñ ne kahāñ pūchhā hameñ ḳhaar se pahle

    dil-sozī o āshufta-sarī tohmat o dushnām

    kyā kyā nahīñ dekhā rasan-o-dār se pahle

    'sarvar' ne sunā.ī nahīñ ahl-e-ḳhirad ko

    apnī ye ġhazal jur.at-e-iz.hār se pahle

    waqif the kahan hum dil-e-na-chaar se pahle

    kam-baKHt mohabbat ke is aazar se pahle

    nazren to uThate zara diwar se pahle

    ek aan to mil baiThte takrar se pahle

    diwana koi laenge mujh jaisa kahan se

    socha nahin ye aap ne inkar se pahle

    pa-basta jigar-e-soKHta dil-gir zaban band

    sau zulm sahe dida-e-KHun-bar se pahle

    ye koi naya tarz-e-taghaful to nahin hai

    aisi to na thi dosti aaghyar se pahle

    aasuda-e-gham-ha-e-KHizan ho gae aaKHir

    phulon ne kahan puchha hamein KHar se pahle

    dil-sozi o aashufta-sari tohmat o dushnam

    kya kya nahin dekha rasan-o-dar se pahle

    'sarwar' ne sunai hi nahin ahl-e-KHirad ko

    apni ye ghazal jurat-e-izhaar se pahle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY