aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

وہ دریا بار اشکوں کی جھڑی ہے

بیان میرٹھی

وہ دریا بار اشکوں کی جھڑی ہے

بیان میرٹھی

MORE BYبیان میرٹھی

    وہ دریا بار اشکوں کی جھڑی ہے

    کہ حوت آسماں تہہ میں پڑی ہے

    مرے ارماں بتوں کی سرد مہری

    زراعت برف کے پالے پڑی ہے

    چمن میں سرو کا بہروپ بھر کر

    قیامت منتظر کس کی کھڑی ہے

    دہان تنگ غنچہ پتیاں لب

    ہنسی ہے پھول فقرہ پنکھڑی ہے

    لگا دی آگ کس شعلہ نے بلبل

    ہر اک پھولوں کی ٹہنی پھلجھڑی ہے

    نگاہ یاس کس کی کر گئی چوٹ

    کہ گردن تیغ کی ڈھلکی پڑی ہے

    عناصر جلد پہنچا دیں گے تا گور

    نہایت تیز رو یہ چوکڑی ہے

    کفن سے منہ لپیٹے میری حسرت

    دل ویراں کے کونے میں پڑی ہے

    سرہانے مدعی آیا تو جانا

    جدائی کی گھڑی سر پر کھڑی ہے

    کسی کو پار اتارے گا فلک کیا

    اسی کی ناؤ چکر میں پڑی ہے

    بنا لے عقل آگ کا پتلا فلاطوں

    کہ تلچھٹ کچھ مرے خم میں پڑی ہے

    نشہ ہے اور ہرن ہیں اس کی آنکھیں

    نظر بازی ہرن کی چوکڑی ہے

    نگاہ شوق سے سینہ چرایا

    ہماری چوٹ تم سے بھی کڑی ہے

    بلائے زلف مہماں سے کہوں کیا

    نہیں ٹلتی مرے سر آ پڑی ہے

    سیاہی دور ہوگی رفتہ رفتہ

    ابھی زاہد کی داڑھی کڑبڑی ہے

    سر محشر بڑھی ہے کس قدر زلف

    قیامت کس قدر اوچھی پڑی ہے

    گہر بیں ہے نظام الملک اپنا

    طبیعت کیا بیاںؔ قسمت لڑی ہے

    مأخذ:

    Dewan-e-Bayan Merthi (Pg. 119)

      • اشاعت: 2007
      • ناشر: سلمان فائن پرنٹرس، ناگپور
      • سن اشاعت: 2007

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے