wo ghairon se hamara zikr kuchh is tarh karte hain
wo ghairon se hamara zikr kuchh is tarh karte hain
Dr. Charanjit Singh Sagar
MORE BYDr. Charanjit Singh Sagar
vo ġhairoñ se hamārā zikr kuchh is tarh karte haiñ
ki ham mar mar ke jiite haiñ kabhī jī jī ke marte haiñ
paḌī hai gard jo jīvan ke ā.īne pe mat poñchho
ki ab ham apne maazī ke tasavvur se bhī Darte haiñ
baḌhī jaatī hai kuchh is tarh se dil kī pareshānī
ki karne kuchh nikalte haiñ magar kuchh kar guzarte haiñ
samajhte the gila koī na hogā zindagānī se
magar ham kyā kareñ jab naqsh yādoñ ke ubharte haiñ
sivā zillat ke dāman meñ nahīñ ab kuchh yahāñ apne
ki tab har saañs jiite the to ab har saañs marte haiñ
wo ghairon se hamara zikr kuchh is tarh karte hain
ki hum mar mar ke jite hain kabhi ji ji ke marte hain
paDi hai gard jo jiwan ke aaine pe mat ponchho
ki ab hum apne mazi ke tasawwur se bhi Darte hain
baDhi jati hai kuchh is tarh se dil ki pareshani
ki karne kuchh nikalte hain magar kuchh kar guzarte hain
samajhte the gila koi na hoga zindagani se
magar hum kya karen jab naqsh yaadon ke ubharte hain
siwa zillat ke daman mein nahin ab kuchh yahan apne
ki tab har sans jite the to ab har sans marte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
