وہ غیروں سے ہمارا ذکر کچھ اس طرح کرتے ہیں

وہ غیروں سے ہمارا ذکر کچھ اس طرح کرتے ہیں

کہ ہم مر مر کے جیتے ہیں کبھی جی جی کے مرتے ہیں

پڑی ہے گرد جو جیون کے آئینے پہ مت پونچھو

کہ اب ہم اپنے ماضی کے تصور سے بھی ڈرتے ہیں

بڑھی جاتی ہے کچھ اس طرح سے دل کی پریشانی

کہ کرنے کچھ نکلتے ہیں مگر کچھ کر گزرتے ہیں

سمجھتے تھے گلہ کوئی نہ ہوگا زندگانی سے

مگر ہم کیا کریں جب نقش یادوں کے ابھرتے ہیں

سوا ذلت کے دامن میں نہیں اب کچھ یہاں اپنے

کہ تب ہر سانس جیتے تھے تو اب ہر سانس مرتے ہیں