wo kahte hain ki hum ko uske marne par tajjub hai

vo kahte haiñ ki ham ko us ke marne par ta.ajjub hai

maiñ kahtā huuñ ki maiñ zinda rahā kyūñkar ta.ajjub hai

mirā afsāna-e-ishq ek aalam hai tahayyur kā

mujhe kah kar ta.ajjub hai unheñ sun kar ta.ajjub hai

mirī do-chār ummīdeñ bar aa.ī thiiñ javānī meñ

mire allāh itnī baat par mahshar ta.ajjub hai

hamīñ haiñ ishq ko jo shaġhl-e-bekārī samajhte haiñ

hamārī hī samajh par paḌ ga.e patthar ta.ajjub hai

vafādārī huī hai is tarah mafqūd duniyā se

ki ḳhud mujh ko yahāñ tak kar guzarne par ta.ajjub hai

mire ahbāb ko hairat hai maiñ ne aaj kyuuñ pī lī

nahīñ kyuuñ aaj tak pī thī mujhe is par ta.ajjub hai

'buḳhārī' tum javāñ ho aur javānī ek nashsha hai

tumhārī dāstān-e-ġham mujhe sun kar ta.ajjub hai

wo kahte hain ki hum ko us ke marne par tajjub hai

main kahta hun ki main zinda raha kyunkar tajjub hai

mera afsana-e-ishq ek aalam hai tahayyur ka

mujhe kah kar tajjub hai unhen sun kar tajjub hai

meri do-chaar ummiden bar aai thin jawani mein

mere allah itni baat par mahshar tajjub hai

hamin hain ishq ko jo shaghl-e-bekari samajhte hain

hamari hi samajh par paD gae patthar tajjub hai

wafadari hui hai is tarah mafqud duniya se

ki KHud mujh ko yahan tak kar guzarne par tajjub hai

mere ahbab ko hairat hai main ne aaj kyun pi li

nahin kyun aaj tak pi thi mujhe is par tajjub hai

'buKHari' tum jawan ho aur jawani ek nashsha hai

tumhaari dastan-e-gham mujhe sun kar tajjub hai