وہ کیا زندگی جس میں جوشش نہیں

کرشن موہن

وہ کیا زندگی جس میں جوشش نہیں

کرشن موہن

MORE BYکرشن موہن

    وہ کیا زندگی جس میں جوشش نہیں

    وہ کیا آرزو جس میں کاوش نہیں

    جنوں آئنہ دار سوز دروں

    جنوں پر خوشی کی نوازش نہیں

    مقدر کا مرہون منت ہے یہ

    ترا مرتبہ وجہ نازش نہیں

    حقیقت کا عکاس میرا کلام

    تصنع نہیں اس میں کوشش نہیں

    یہ اظہار سادہ ہے جذبات کا

    کمال ہنر کی نمائش نہیں

    زمانے سے ہوں بے نیاز اس قدر

    ستائش کی بھی دل میں خواہش نہیں

    یہ کیا ہو گیا تیرے مکتوب میں

    تعلق کا رنگ نگارش نہیں

    اسے مل سکے کامیابی کہاں

    مددگار جس کی سفارش نہیں

    وہ بے باک آزاد گفتار ہے

    کبھی کرشنؔ موہن کو بندش نہیں

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY