Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

یادگار گزشتگاں ہیں ہم

مصحفی غلام ہمدانی

یادگار گزشتگاں ہیں ہم

مصحفی غلام ہمدانی

MORE BYمصحفی غلام ہمدانی

    یادگار گزشتگاں ہیں ہم

    خوب دیکھا تو پھر کہاں ہیں ہم

    شمع کی طرح بزم گیتی میں

    داغ بیٹھے ہیں اور رواں ہیں ہم

    رہے جاتے ہیں پیچھے یاروں سے

    گرد دنبال کارواں ہیں ہم

    رکھ نہ خنجر کو ہاتھ سے قاتل

    تیرے کشتوں میں نیم جاں ہیں ہم

    آبیار سخن ہے اپنی زباں

    لفظ و معنی کے باغباں ہیں ہم

    تو ہی تو ہے جو خوب غور کریں

    ایک دھوکا سا درمیاں ہیں ہم

    دعوت تیغ کے تو قابل ہیں

    گو کہ یک مشت استخواں ہیں ہم

    رنگ رخ پر ہمارے، زردی سی

    نظر آتی ہے، کیا خزاں ہیں ہم

    گو کیا ہم کو سرد پیری نے

    پر ابھی طبع میں جواں ہیں ہم

    اور بھی ہم کو رہنے دے چندے

    گو تری طبع پر گراں ہیں ہم

    باغباں اب چمن سے جاویں کہاں

    بلبل کہنہ آشیاں ہیں ہم

    مصحفیؔ شاعری رہی ہے کہاں

    اب تو مجلس کے روضہ خواں ہیں ہم

    مأخذ :
    • کتاب : kulliyat-e-mas.hafii(shashum) (Pg. 205)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    بولیے