یہ چہرہ ہے گل ہے یہ گلشن ہے کیا ہے
یہ چہرہ ہے گل ہے یہ گلشن ہے کیا ہے
سویرا ہے شبنم ہے درپن ہے کیا ہے
چلی ہے یہ خوشبو ترے گیسوؤں سے
تری یاد ہے تیرا دامن ہے کیا ہے
کرن حسن کی چھن کے آنے لگی ہے
یہ پردہ ہے آنچل ہے چلمن ہے کیا ہے
نظر جھک رہی ہے خموشی ہے لب پر
حیا ہے ادا ہے کہ ان بن ہے کیا ہے
یہ شرم اور تبسم یہ آنکھوں میں کاجل
ادا ہے کلی ہے کہ بچپن ہے کیا ہے
اکیلے میں یہ پھوٹتی نغمگی سی
یہ آہٹ ہے کوئل ہے دھڑکن ہے کیا ہے
نمی ہے فضاؤں میں کوثرؔ جی کہیے
یہ گیسو ہے بادل ہے ساون ہے کیا ہے
مأخذ:
maazii ka aainda
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
