ye kaisi aag abhi ai shama tere dil mein baqi hai

Bismil Allahabadi

ye kaisi aag abhi ai shama tere dil mein baqi hai

Bismil Allahabadi

MORE BYBismil Allahabadi

    Interesting Fact

    Mushaira Allahabad- 19 July 1924

    ye kaisī aag abhī ai sham.a tere dil meñ baaqī hai

    koī parvāna jal marne ko kyā mahfil meñ baaqī hai

    hazāroñ uTh ga.e duniyā se apnī jaan de de kar

    magar ik bhiiḌ phir bhī kūcha-e-qātil meñ baaqī hai

    hue vo mutma.in kyuuñ sirf mere dam nikalne par

    abhī to ek duniyā-e-tamannā dil meñ baaqī hai

    huā thā ġharq bahr-e-ishq is andāz se koī

    ki naqsha Dūbne dīda-e-sāhil meñ baaqī hai

    qazā se koī ye kah de ki mushtāq-e-shahādat huuñ

    abhī ik marne vaalā kūcha-e-qātil meñ baaqī hai

    kahāñ fursat hujūm-e-rañj-o-ġham se ham jo ye jāñcheñ

    ki niklī kyā tamannā kyā tamannā dil meñ baaqī hai

    abhī se apnā dil thāme hue kyuuñ log baiThe haiñ

    abhī to hashr uThne ko tirī mahfil meñ baaqī hai

    vahāñ the jam.a jitne marne vaale mar ga.e vo sab

    qazā le-de ke bas ab kūcha-e-qātil meñ baaqī hai

    abhī se ne qātil myaan meñ talvār kyuuñ rakh

    abhī to jaan thoḌī tan-e-'bismil' meñ baaqī hai

    ye kaisi aag abhi ai shama tere dil mein baqi hai

    koi parwana jal marne ko kya mahfil mein baqi hai

    hazaron uTh gae duniya se apni jaan de de kar

    magar ek bhiD phir bhi kucha-e-qatil mein baqi hai

    hue wo mutmain kyun sirf mere dam nikalne par

    abhi to ek duniya-e-tamanna dil mein baqi hai

    hua tha gharq bahr-e-ishq is andaz se koi

    ki naqsha Dubne ka dida-e-sahil mein baqi hai

    qaza se koi ye kah de ki mushtaq-e-shahadat hun

    abhi ek marne wala kucha-e-qatil mein baqi hai

    kahan fursat hujum-e-ranj-o-gham se hum jo ye jaanchen

    ki nikli kya tamanna kya tamanna dil mein baqi hai

    abhi se apna dil thame hue kyun log baiThe hain

    abhi to hashr uThne ko teri mahfil mein baqi hai

    wahan the jama jitne marne wale mar gae wo sab

    qaza le-de ke bas ab kucha-e-qatil mein baqi hai

    abhi se tu ne qatil myan mein talwar kyun rakh li

    abhi to jaan thoDi si tan-e-'bismil' mein baqi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY