aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

یہ خبر ہے، مجھ میں کچھ میرے سوا موجود ہے

عرفان ستار

یہ خبر ہے، مجھ میں کچھ میرے سوا موجود ہے

عرفان ستار

MORE BYعرفان ستار

    یہ خبر ہے، مجھ میں کچھ میرے سوا موجود ہے

    اب تو بس معلوم کرنا ہے کہ کیا موجود ہے

    ایک میں ہوں، جس کا ہونا ہو کے بھی ثابت نہیں

    ایک وہ ہے جو نہ ہو کر جا بجا موجود ہے

    ہاں خدا ہے، اس میں کوئی شک کی گنجائش نہیں

    اس سے تم یہ مت سمجھ لینا خدا موجود ہے

    حل کبھی ہوتا نہیں یہ جسم سے چھوٹے بغیر

    میں ابھی زندہ ہوں سو یہ مسئلہ موجود ہے

    تاب آنکھیں لا سکیں اس حسن کی، ممکن نہیں

    میں تو حیراں ہوں کہ اب تک آئنہ موجود ہے

    رات کٹتی ہے مزے میں چین سے ہوتی ہے صبح

    چاندنی موجود ہے باد صبا موجود ہے

    روشنی سی آ رہی ہے اس طرف چھنتی ہوئی

    اور وہ حدت بھی جو زیر قبا موجود ہے

    ایک پل فرصت کہاں دیتے ہیں مجھ کو میرے غم

    ایک کو بہلا دیا تو دوسرا موجود ہے

    درد کی شدت میں بھی چلتی ہے میرے دل کے ساتھ

    اک دھڑکتی روشنی جو ہر جگہ موجود ہے

    معتبر تو قیس کا قصہ بھی ہے اس ضمن میں

    اس حوالے سے مرا بھی واقعہ موجود ہے

    خواب میں اک زخم دیکھا تھا بدن پر جس جگہ

    صبح دیکھا تو وہاں اک داغ سا موجود ہے

    ایک ہی شعلہ سے جلتے آ رہے ہیں یہ چراغ

    میرؔ سے مجھ تک وہی اک سلسلہ موجود ہے

    یوں تو ہے عرفانؔ ہر احساس ہی محدود سا

    اک کسک سی ہے کہ جو بے انتہا موجود ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے