یہ اداسی چہرے پر آنے سے پہلے دیکھتے

یہ اداسی چہرے پر آنے سے پہلے دیکھتے

مجھ کو تم میرے گزر جانے سے پہلے دیکھتے

آپ کو جو یہ دکھائی دیتا ہے ملبہ مرا

گھر ہوا کرتا تھا ویرانے سے پہلے دیکھتے

یہ بھی کوئی وقت ہے کیا دیکھنے والا مجھے

تم مجھے اس کے چلے جانے سے پہلے دیکھتے

جان لیتے کیا ہوا تھا اس کہانی میں اگر

زندگی کی فلم تم گانے سے پہلے دیکھتے

اب ہماری موت پر رونے سے بھی کیا فائدہ

یہ عمارت آپ گر ڈھانے سے پہلے دیکھتے

اک نظارا رہ گیا باقی تمہارا دیکھنا

یہ نظارا زہر تم کھانے سے پہلے دیکھتے