زندگی کے قمار خانے میں
زندگی کے قمار خانے میں
ہو گئی مات دل لگانے میں
تجھ سے ملنے کو خود سے ملتا ہوں
وقت کٹتا ہے آنے جانے میں
تجھ کو کھو کر اداس رہتا ہوں
حرج کیا ہے تجھے بتانے میں
اب تو مجھ میں بھی میں نہیں باقی
ڈھونڈھتی کیا ہو اس دوانے میں
ایک پل روشنی دکھائی دی
کچھ ملا تو ہے گھر جلانے میں
آگ جلنے لگی زباں پہ مری
ہجر کا ذائقہ بتانے میں
جاں بہ لب ہے مریض یہ تیرا
دیر کتنی ہے تیرے آنے میں
رات دن کا سفر کٹے ایسے
خود کو کھونے میں تجھ کو پانے میں
تلخ سا جام زندگی نکلی
کیا ملا ہم کو دنیا خانے میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
