زیادہ ہو اگر قربت تو رشتے ٹوٹ جاتے ہیں
زیادہ ہو اگر قربت تو رشتے ٹوٹ جاتے ہیں
اگر پوری نہ ہو حسرت تو رشتے ٹوٹ جاتے ہیں
ذرا سا وقت تو مانگا ہی کرتا ہے ہر اک رشتہ
اگر ملتی نہیں فرصت تو رشتے ٹوٹ جاتے ہیں
کبھی قسمت سے ہی بنتے ہیں دنیا میں کئی رشتے
کبھی اچھی نہ ہو قسمت تو رشتے ٹوٹ جاتے ہیں
دل و جاں سے کوئی چاہے تو اس کی قدر بھی کرنا
نہیں دو گے اگر عزت تو رشتے ٹوٹ جاتے ہیں
امیروں سے کبھی باتیں سنو بد حال رشتوں کی
زیادہ ہو اگر دولت تو رشتے ٹوٹ جاتے ہیں
بڑے نازک سے دھاگوں سے بنے جاتے ہیں یہ یارو
لگاؤ گے اگر طاقت تو رشتے ٹوٹ جاتے ہیں
سنو تم اجنبی بن کر ہی رہنا سیکھ لو پونمؔ
کہ بڑھ جاتی ہے جب چاہت تو رشتے ٹوٹ جاتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
