naGma-e-vahdat

har taraf jalva-e-qudrat hai numaayaa.n teraa

phir bhii aasaa.n nahii.n insaan ko 'irfaa.n teraa

allah allah ye karam rahmat-e-yazdaa.n teraa

'aasiyo.n par bhii rahaa saaya-e-daamaa.n teraa

har jagah sikka ravaa.n hai tirii yaktaa.ii kaa

dil se qaa.il hai har ik diida-e-hairaa.n teraa

aastaane pe tire kaun nahii.n sar-ba-sujuud

kaun duniyaa me.n nahii.n taabe'-e-farmaa.n teraa

tuu jo barham ho to ik barq-e-balaa chashm-e-'itaab

aur KHush ho to tabassum ho gul-afshaa.n teraa

hashr me.n kaash ye puuchhe tirii rahmat mujh se

aa.ina-gaar bataa kyaa hai ab armaa.n teraa

sab ko tasliim tirii banda-navaazii yaa-rab

sab ko iqraar ki har shai pe hai ehsaa.n teraa

jo bashar raah-e-hidaayat se bhaTak jaataa hai

raasta us ko bataa detaa hai qur.aa.n teraa

rahm farmaa ki hu.aa saaraa zamaana dushman

aaj har banda-e-momin hai pareshaa.n teraa

aastaane se tire jaa.e kahaa.n ab 'mahvii'

ki azal hii se hai vaabasta-e-daamaa.n teraa

har taraf jalva-e-qudrat hai numaayaa.n teraa

phir bhii aasaa.n nahii.n insaan ko 'irfaa.n teraa

allah allah ye karam rahmat-e-yazdaa.n teraa

'aasiyo.n par bhii rahaa saaya-e-daamaa.n teraa

har jagah sikka ravaa.n hai tirii yaktaa.ii kaa

dil se qaa.il hai har ik diida-e-hairaa.n teraa

aastaane pe tire kaun nahii.n sar-ba-sujuud

kaun duniyaa me.n nahii.n taabe'-e-farmaa.n teraa

tuu jo barham ho to ik barq-e-balaa chashm-e-'itaab

aur KHush ho to tabassum ho gul-afshaa.n teraa

hashr me.n kaash ye puuchhe tirii rahmat mujh se

aa.ina-gaar bataa kyaa hai ab armaa.n teraa

sab ko tasliim tirii banda-navaazii yaa-rab

sab ko iqraar ki har shai pe hai ehsaa.n teraa

jo bashar raah-e-hidaayat se bhaTak jaataa hai

raasta us ko bataa detaa hai qur.aa.n teraa

rahm farmaa ki hu.aa saaraa zamaana dushman

aaj har banda-e-momin hai pareshaa.n teraa

aastaane se tire jaa.e kahaa.n ab 'mahvii'

ki azal hii se hai vaabasta-e-daamaa.n teraa