کتنی عزت مرے حسین کی ہے
کتنی عزت مرے حسین کی ہے
ساری عظمت مرے حسین کی ہے
جس کی خواہش میں لوگ مرتے ہیں
ہاں وہ جنت مرے حسین کی ہے
ان کے نانا ہیں رحمت عالم
یعنی رحمت مرے حسین کی ہے
ایک لشکر کے سامنے تنہا
کیا شجاعت مرے حسین کی ہے
جس کی تاریخ میں مثال نہیں
وہ شہادت مرے حسین کی ہے
ہر طرف ان کے آج چرچے ہیں
ایسی شہرت مرے حسین کی ہے
میں نے لکھی ہے منقبت جو معینؔ
مجھ پہ شفقت مرے حسین کی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
