kin ne lipTe baal dikhlae tere mani ke tin

kin ne lipTe baal dikhlā.e tire maanī ke tiiñ

un ne jo is tuul se khīñchā pareshānī ke tiiñ

kushta-e-andāz kis kā thā na jaanā vo javāñ

le rahe the kuchh malak ik nā'sh qurbānī ke tiiñ

chashm-e-kam se ashk-e-ḳhūnīñ ko na dekho zīnhār

DhūñDte haiñ mardum is yāqūt-e-sailānī ke tiiñ

tā.irān-e-ḳhush-ma'āsh us baaġh ke ham the kabhū

ab taraste haiñ qafas meñ ik par-afshānī ke tiiñ

hai jahān-e-tang se jaanā ba-'ainih is tarah

qatl karne le chaleñ haiñ jaise zindānī ke tiiñ

ye kahāñ bint-ul-‘inab se uThtī haiñ kaifiyyateñ

hoñToñ se kyā us ke nisbat aisī mastānī ke tiiñ

dil jo paanī ho to ā.īna hai rū-e-yār kā

ḳhāna-ābādī samajh is ḳhāna-vīrānī ke tiiñ

fahm meñ mere na aayā parda-dar hai tifl-e-ashk

ro.uuñ kyā ai ham-nashīñ maiñ apnī nādānī ke tiiñ

kuchh nazar maiñ ne na kī jī ke ziyāñ par apne haa.e

dost maiñ rakkhe gayā us dushman-e-jānī ke tiiñ

jab jale chhātī bahut tab ashk-afshāñ ho na 'mīr'

kyā jo chhiḌkā is dahaktī aag par paanī ke tiiñ

kin ne lipTe baal dikhlae tere mani ke tin

un ne jo is tul se khincha pareshani ke tin

kushta-e-andaz kis ka tha na jaana wo jawan

le rahe the kuchh malak ek na'sh qurbani ke tin

chashm-e-kam se ashk-e-KHunin ko na dekho zinhaar

DhunDte hain mardum is yaqut-e-sailani ke tin

tairan-e-KHush-ma'ash us bagh ke hum the kabhu

ab taraste hain qafas mein ek par-afshani ke tin

hai jahan-e-tang se jaana ba-'ainih is tarah

qatl karne le chalen hain jaise zindani ke tin

ye kahan bint-ul-‘inab se uThti hain kaifiyyaten

honTon se kya us ke nisbat aisi mastani ke tin

dil jo pani ho to aaina hai ru-e-yar ka

KHana-abaadi samajh is KHana-virani ke tin

fahm mein mere na aaya parda-dar hai tifl-e-ashk

roun kya ai ham-nashin main apni nadani ke tin

kuchh nazar main ne na ki ji ke ziyan par apne hae

dost main rakkhe gaya us dushman-e-jaani ke tin

jab jale chhati bahut tab ashk-afshan ho na 'mir'

kya jo chhiDka is dahakti aag par pani ke tin