پوشیدہ کیا رہے ہے قدرت نمائئ دل

پوشیدہ کیا رہے ہے قدرت نمائئ دل

دیکھی نہ بے ستوں میں زور آزمائئ دل

ہے تیرہ یہ بیاباں گرد و غبار سے سب

دے راہ کب دکھائی بے رہنمائئ دل

اندوہ و غم سے اکثر رہتا ہوں میں مکدر

کیا خاک میں ملی ہے میری صفائئ دل

پیش آوے کوئی صورت منہ موڑتے نہیں وے

آئینہ ساں جنہیں ہے کچھ آشنائئ دل

مر تو نہیں گیا میں پر جی ہی جانتا ہے

گزرے ہے شاق مجھ پر جیسی جدائئ دل

اس دام گہ میں اس کے سارے فریب ہی ہیں

آتی نہیں نظر کچھ مجھ کو رہائئ دل

گر رنگ ہے چلا ہے ور بو ہے تو ہوا ہے

کہہ میرؔ اس چمن میں کس سے لگائیے دل