سرکار کے فیض نسبت سے مسرور دکھائی دیتا ہے

سرکار کے فیض نسبت سے مسرور دکھائی دیتا ہے

طیبہ کی گلی کا ہر ذرہ پر نور دکھائی دیتا ہے

وہ نور ازل وہ حسن ابد پردے میں بھی رہ کر چھپ نہ سکا

ہر شے سے نمایاں ہے لیکن مستور دکھائی دیتا ہے

بھیڑوں کا چرانے والا ہے جو عرش کا جانے والا ہے

سلطان دو عالم ہو کر بھی مزدور دکھائی دیتا ہے

ہوتا ہے بچھڑنے کا صدمہ نقش کف پائے آقا سے

اس در سے جو واپس آتا ہے رنجور دکھائی دیتا ہے

روشن ہے دیار کعبہ بھی نسبت سے جمال آقا کی

ہر ذرہ عقیلؔ اس کوچے کا پر نور دکھائی دیتا ہے