chaar anokhii KHvaahishaat
mujhe chaahiye.n do 'adad 'izraa.iilii haath
taaki mai.n gho.nT sakuu.n
tumhaarii yaad kaa galaa
aur nikaal sakuu.n us kii ruuh
mujhe chaahiye ek 'adad israafiilii siren
taaki mai.n uThaa sakuu.n
apne andar barso.n se dafn
us murda ko
jis ko maar Daalaa thaa
vaqt aur tum ne mil kar
mujhe chaahiye.n do 'adad jibra.iilii par
taaki mai.n u.D sakuu.n
itnaa tez
itnaa tez
ki palak jhapakte hii pahu.nch jaa.uu.n
ek aisii jagah
ki jahaa.n na ho
kisii bhii shai par tumhaare chehre kii muhr
mujhe chaahiye ek 'adad miikaa.iilii taaqat
taaki mai.n barsaa sakuu.n
apne dil-o-dimaaG par vo baarish
ki jis se bujh jaa.e dil-o-dimaaG kii aag
aur phir chalaa sakuu.n vo havaa
ki jis se tar-o-taaza ho jaa.e.n dil-o-dimaaG
mujhe chaahiye.n do 'adad 'izraa.iilii haath
taaki mai.n gho.nT sakuu.n
tumhaarii yaad kaa galaa
aur nikaal sakuu.n us kii ruuh
mujhe chaahiye ek 'adad israafiilii siren
taaki mai.n uThaa sakuu.n
apne andar barso.n se dafn
us murda ko
jis ko maar Daalaa thaa
vaqt aur tum ne mil kar
mujhe chaahiye.n do 'adad jibra.iilii par
taaki mai.n u.D sakuu.n
itnaa tez
itnaa tez
ki palak jhapakte hii pahu.nch jaa.uu.n
ek aisii jagah
ki jahaa.n na ho
kisii bhii shai par tumhaare chehre kii muhr
mujhe chaahiye ek 'adad miikaa.iilii taaqat
taaki mai.n barsaa sakuu.n
apne dil-o-dimaaG par vo baarish
ki jis se bujh jaa.e dil-o-dimaaG kii aag
aur phir chalaa sakuu.n vo havaa
ki jis se tar-o-taaza ho jaa.e.n dil-o-dimaaG
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
