اچھی کتاب

عطا عابدی

اچھی کتاب

عطا عابدی

MORE BYعطا عابدی

    دلچسپ معلومات

    زبان و ادب پٹنہ اپریل 2012

    دوستوں میں سب سے اچھا دوست ہے اچھی کتاب

    آ بتا دوں کیسی ہوتی ہے عطاؔ اچھی کتاب

    ہر قدم پر نیک و بد کا فرق بتلاتی ہے یہ

    ہر قدم کو سیدھی سچی راہ دکھلاتی ہے یہ

    دین و دنیا کا ہمیشہ ہم کو دیتی ہے سبق

    روشنی ہی روشنی دیتا ہے اس کا ہر ورق

    سیکھتی ہے اس سے دنیا کامرانی کا ہنر

    یہ عطا کرتی ہے سب کو زندگانی کا ہنر

    سہل ہو جاتی ہیں اس سے وقت کی باریکیاں

    دور کرتی ہے یہ سب کے ذہن کی تاریکیاں

    زندگی کے امتحاں میں حوصلہ دیتی ہے یہ

    چاہنے والوں کو اونچا مرتبہ دیتی ہے یہ

    اس کی صحبت سے فروزاں آج شمع اعتبار

    اس کی الفت سے درخشاں آج حسن اختیار

    زندگی پاتی ہے اس سے آپ خود اپنی خبر

    زندگی پاتی ہے اس سے اک مقام معتبر

    بخشتی ہے یہ بصارت اور بصیرت بھی ہمیں

    تاکہ دکھلائی پڑے شے کی حقیقت بھی ہمیں

    یہ ہمیں بتلاتی ہے ہم کیا ہیں اور دنیا ہے کیا

    یہ ہمیں بتلاتی ہے رب کون ہے عقبیٰ ہے کیا

    اس کے دامن میں ہیں پنہاں ہر زمانے کے علوم

    اس کے آنگن میں ہیں رقصاں چاند سورج اور نجوم

    اس کے جلوے سے ہویدا معرفت کی دولتیں

    نور سے اس کے ہوا انسان کا عرفاں ہمیں

    اس کے دم سے ہم پہ واضح عقدۂ مرگ و حیات

    اس کے دم سے ہم پہ روشن ہے جہان کائنات

    اس قدر جامع مکمل ہیں عطاؔ اس کی صفات

    کب ہے ممکن پیش کرنا اے عطاؔ اس کی صفات

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY