aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dilli ki galiyan tin manzar

Akhtarul Iman

dilli ki galiyan tin manzar

Akhtarul Iman

MORE BYAkhtarul Iman

    pahlā manzar

    san unnīs sau aḌtīs hai

    sardī ThiThurī rāteñ haiñ

    raat ke koī aaTh baje haiñ

    aaj ye sab guzrī bāteñ haiñ

    morī darvāze ke bāhar

    nashe meñ dhut faujī gore

    añgrezī sarkār ke chhore

    tāñge vāloñ ko piiT rahe haiñ

    tāñge vaale ghabrā ghabrā kar

    idhar-udhar sab bhaag rahe haiñ

    aur sipāhī aañkh churā kar

    dūsrī jānib dekh rahe haiñ

    chalte chalte raah meñ ruk kar

    maiñ ye manzar dekh rahā huuñ

    dūsrā manzar

    fat.h-purī masjid ke aage

    chandni-chowk lambā rasta

    lāl-qil.e tak le jaatā hai

    haath meñ thāme apnā basta

    maiñ maktab samt ravāñ huuñ

    shāhjahāñ ke lāl-qil.e par

    goroñ pahrā baiThā hai

    chandni-chowk meñ dā.eñ-bā.eñ

    galiyoñ kūchoñ bāzāroñ meñ

    bijlī ke khamboñ par har-sū

    Dheroñ laḌke chaḌhe hue haiñ

    aur tāroñ ko kaaT rahe haiñ

    police golī chalā rahī hai

    chalte chalte raah meñ ruk kar

    maiñ ye manzar dekh rahā huuñ

    tīsrā manzar

    gore london chale ga.e haiñ

    māñgeñ puurī ho ga.iiñ aaj

    netā rāh-numā sab ḳhush haiñ

    mulk ne paayā hai svārāj

    lāl-qil.e par āzādī

    sah-rañgā parcham lahrāyā

    dillī galiyoñ meñ sab ne

    āzādī jashn manāyā

    lekin ekā-ekī jaise

    parda uTThā manzar badlā

    dhuñd chhā.ī hai har jānib

    jo kuchh hai sab gadlā gadlā

    koī nahīñ suntā hai kisī

    ho ga.e log achānak bahre

    railoñ meñ be-sar lāsheñ

    saḌkoñ par be-dhaḌ ke chehre

    harījan bastī kuTiyā meñ

    ḳhuun se lat-pat lahūluhān

    kuTiyā jaise ik shamshān

    gāñdhī laash paḌī hai

    āzādī kuchh duur khaḌī hai

    pahla manzar

    san unnis sau aDtis hai

    sardi ki ThiThuri raaten hain

    raat ke koi aaTh baje hain

    aaj ye sab guzri baaten hain

    mori darwaze ke bahar

    nashe mein dhut fauji gore

    angrezi sarkar ke chhore

    tange walon ko piT rahe hain

    tange wale ghabra ghabra kar

    idhar-udhar sab bhag rahe hain

    aur sipahi aankh chura kar

    dusri jaanib dekh rahe hain

    chalte chalte rah mein ruk kar

    main ye manzar dekh raha hun

    dusra manzar

    fath-puri masjid ke aage

    chandni-chowk ka lamba rasta

    lal-qile tak le jata hai

    hath mein thame apna basta

    main maktab ki samt rawan hun

    shahjahan ke lal-qile par

    goron ka pahra baiTha hai

    chandni-chowk mein daen-baen

    galiyon kuchon bazaron mein

    bijli ke khambon par har-su

    Dheron laDke chaDhe hue hain

    aur taron ko kaT rahe hain

    police goli chala rahi hai

    chalte chalte rah mein ruk kar

    main ye manzar dekh raha hun

    tisra manzar

    gore london chale gae hain

    mangen puri ho gain aaj

    neta rah-numa sab KHush hain

    mulk ne paya hai swaraj

    lal-qile par aazadi ka

    sah-ranga parcham lahraya

    dilli ki galiyon mein sab ne

    aazadi ka jashn manaya

    lekin eka-eki jaise

    parda uTTha manzar badla

    dhund si chhai hai har jaanib

    jo kuchh hai sab gadla gadla

    koi nahin sunta hai kisi ki

    ho gae log achanak bahre

    railon mein be-sar ki lashen

    saDkon par be-dhaD ke chehre

    harijan basti ki kuTiya mein

    KHun se lat-pat lahuluhan

    kuTiya jaise ek shamshan

    gandhi ji ki lash paDi hai

    aazadi kuchh dur khaDi hai

    Videos
    This video is playing from YouTube

    Videos
    This video is playing from YouTube

    Akhtarul Iman

    Akhtarul Iman

    Source:

    Kulliyat-e-Akhtaruliman (Pg. 433)

    • Author: Baidar Bakht
      • Edition: 2006
      • Publisher: Educational Publishing House
      • Year of Publication: 2006

    related content

    Nazm

    manzar se pas manzar tak

    khiDki par mahtab Tika tha

    Mohammad Ahmad
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now