کشمش

فائیبر سے بھرپور ہے کشمش

سستی کرتی دور ہے کشمش

نظر کو بہتر کر دیتی ہے

جسم کو گوشت سے بھر دیتی ہے

خشک ہوں جب انگور ہے بنتی

کافی عرصہ ہے پھر چلتی

رنگت اس کی سبز سنہری

کہیں دکھے یہ بھوری گہری

تھوڑی سی روزانہ کھاؤ

فائدہ اس کا پھر تم پاؤ

دلیے میں یا حلوے اندر

دیکھو اس کے جلوے اندر

تیز بخار کو ہلکا کر دے

جسم میں فوراً چستی بھر دے

موتی جیسے دانت ہوں اس سے

صاف ہماری آنت ہو اس سے

کمی لہو کی دور کرے تو

کام میں یہ مجبور کرے تو

شب بھر پانی میں یہ ڈالو

صبح سویرے اس کو کھا لو