main abhi nakaam sahi

merā fan dahr ke bāzār meñ be-dām sahī

naam gumnām sahī maiñ abhī nākām sahī

merī vīrān umangoñ pe bahār aane tak

mujh ko mā'lūm hai marte hue jiinā hai mujhe

merī taqdīr ko gardish se nikal jaane tak

zahr hālāt kā har haal meñ piinā hai mujhe

mujh ko hālāt kī āñdhī se Darāne vaalo

shauq vo sail-e-ravāñ hai jo nahīñ ruk saktā

sar ḳhirad kā ye nahīñ ahl-e-junūñ kā sar hai

sar ye hālāt ke qadmoñ pe nahīñ jhuk saktā

jo irādoñ ke charāġhoñ ko bujhā Dālegī

vaqt kī tez havā tez hai itnī bhī nahīñ

rahrav-e-manzil-e-maqsad ko jo gumrāh kare

fitrat-e-vaqt shar-angez hai itnī bhī nahīñ

duur se hī sahī manzil ye sadā detī hai

dil meñ manzil kī tamanna ho to chalnā hogā

raah meñ dhuup baras jaa.e ki sho'le dahkeñ

rahrav-e-manzil-e-maqsūd ko chalnā hogā

tum añdheroñ se mujhe ḳhauf dilāte ho magar

in añdheroñ se murādoñ kī sahar niklegī

in añdheroñ hī meñ manzil hai kahīñ poshīda

jald yā der se niklegī magar niklegī

merā fan dahr ke bāzār meñ be-dām sahī

naam gumnām sahī maiñ abhī nākām hī

mera fan dahr ke bazar mein be-dam sahi

nam gumnam sahi main abhi nakaam sahi

meri viran umangon pe bahaar aane tak

mujh ko ma'lum hai marte hue jina hai mujhe

meri taqdir ko gardish se nikal jaane tak

zahr haalat ka har haal mein pina hai mujhe

mujh ko haalat ki aandhi se Darane walo

shauq wo sail-e-rawan hai jo nahin ruk sakta

sar KHirad ka ye nahin ahl-e-junun ka sar hai

sar ye haalat ke qadmon pe nahin jhuk sakta

jo iradon ke charaghon ko bujha Dalegi

waqt ki tez hawa tez hai itni bhi nahin

rahraw-e-manzil-e-maqsad ko jo gumrah kare

fitrat-e-waqt shar-angez hai itni bhi nahin

dur se hi sahi manzil ye sada deti hai

dil mein manzil ki tamanna ho to chalna hoga

rah mein dhup baras jae ki sho'le dahken

rahraw-e-manzil-e-maqsud ko chalna hoga

tum andheron se mujhe KHauf dilate ho magar

in andheron se muradon ki sahar niklegi

in andheron hi mein manzil hai kahin poshida

jald ya der se niklegi magar niklegi

mera fan dahr ke bazar mein be-dam sahi

nam gumnam sahi main abhi nakaam hi