main ek aansu ikaTTha kar raha hun

merā dukh kuoñ ki tarā.iyoñ meñ utar gayā hai

maiñ use khīñch kar nikāl lūñgā

merī āñkhoñ meñ ik ābshār kī dhund phail ga.ī hai

maiñ use ek aañsū meñ jam.a kar lūñgā

ham ne ek hī ghūñT se pyaas bujhā.ī

jo tum ne halq ke andar se chakhā

aur mere hoñToñ ne

tumhāre halq ke bāhar se

tum hamārī taraf ruḳh kar ke kitāb dekhte

aur taḳhta-e-siyāh kī taraf ruḳh kar ke

likhte

maiñ bhī ek hisābī uljhan suljhā rahā thā

tumhāre zaanū

tumhāre kūlhoñ se ziyāda farba kyuuñ haiñ

tumheñ milī huī nematoñ ke tashakkur meñ

jhukī rahne vaalī brasier

mire istiqbāl ke liye khaḌī ho ga.ī thī

mujhe tumhāre kūlhoñ kī ma.asūmiyat maar Dālegī

gardan se nīche

tumhārī riiḌh kī haDDī par saañp lipTā huā thā

kahāñ chalā gayā

tumhārī āñkhoñ meñ mere liye

ek ḳhair-maqadmī rāsta bichhā thā

jis par maiñ is justujū meñ chaltā jaatā

tumhārī āñkheñ asl meñ kahāñ vaaq.e haiñ

tumhārī pusht par lipTā saañp

mere siine par reñg rahā hai

kaash maiñ use

apnī Tāñgoñ ke darmiyāñ ghoñT saktā

dāñtoñ ne mere hoñT barbād kar diye

maiñ tumhāre ruḳhsāroñ par

in kā tuḳhm baunā chāhtā thā

zindagī maiñ ne bhiik meñ vasūl ki

ab vo mere gullak meñ gal rahī hai

aaj maiñ use toḌ dūñgā

merā dukh kuoñ kī tarā.iyoñ meñ utar gayā hai

aaj maiñ use ek aañsū meñ ikaTThā kar dūñgā

tum use

apnī zabān kī nok par utaar kar thuuk denā

zamīn par

yā mere muñh par

mera dukh kuon ki taraiyon mein utar gaya hai

main use khinch kar nikal lunga

meri aankhon mein ek aabshaar ki dhund phail gai hai

main use ek aansu mein jama kar lunga

hum ne ek hi ghunT se pyas bujhai

jo tum ne halq ke andar se chakha

aur mere honTon ne

tumhaare halq ke bahar se

tum hamari taraf ruKH kar ke kitab dekhte

aur taKHta-e-siyah ki taraf ruKH kar ke

likhte

main bhi ek hisabi uljhan suljha raha tha

tumhaare zanu

tumhaare kulhon se ziyaada farba kyun hain

tumhein mili hui nematon ke tashakkur mein

jhuki rahne wali brasier

mere istiqbaal ke liye khaDi ho gai thi

mujhe tumhaare kulhon ki masumiyat mar Dalegi

gardan se niche

tumhaari riDh ki haDDi par sanp lipTa hua tha

kahan chala gaya

tumhaari aankhon mein mere liye

ek KHair-maqadmi rasta bichha tha

jis par main is justuju mein chalta jata

tumhaari aankhen asl mein kahan waqe hain

tumhaari pusht par lipTa sanp

mere sine par reng raha hai

kash main use

apni Tangon ke darmiyan ghonT sakta

danton ne mere honT barbaad kar diye

main tumhaare ruKHsaron par

in ka tuKHm bauna chahta tha

zindagi main ne bhik mein wasul ki

ab wo mere gullak mein gal rahi hai

aaj main use toD dunga

mera dukh kuon ki taraiyon mein utar gaya hai

aaj main use ek aansu mein ikaTTha kar dunga

tum use

apni zaban ki nok par utar kar thuk dena

zamin par

ya mere munh par