aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

میں ایک آنسو اکٹھا کر رہا ہوں

سید کاشف رضا

میں ایک آنسو اکٹھا کر رہا ہوں

سید کاشف رضا

MORE BYسید کاشف رضا

    میرا دکھ کنوؤں کہ ترائیوں میں اتر گیا ہے

    میں اسے کھینچ کر نکال لوں گا

    میری آنکھوں میں اک آبشار کی دھند پھیل گئی ہے

    میں اسے ایک آنسو میں جمع کر لوں گا

    ہم نے ایک ہی گھونٹ سے پیاس بجھائی

    جو تم نے حلق کے اندر سے چکھا

    اور میرے ہونٹوں نے

    تمہارے حلق کے باہر سے

    تم ہماری طرف رخ کر کے کتاب دیکھتے

    اور تختۂ سیاہ کی طرف رخ کر کے

    لکھتے

    میں بھی ایک حسابی الجھن سلجھا رہا تھا

    تمہارے زانو

    تمہارے کولھوں سے زیادہ فربہ کیوں ہیں

    تمہیں ملی ہوئی نعمتوں کے تشکر میں

    جھکی رہنے والی بریزئر

    مرے استقبال کے لیے کھڑی ہو گئی تھی

    مجھے تمہارے کولھوں کی معصومیت مار ڈالے گی

    گردن سے نیچے

    تمہاری ریڑھ کی ہڈی پر سانپ لپٹا ہوا تھا

    کہاں چلا گیا

    تمہاری آنکھوں میں میرے لیے

    ایک خیر مقدمی راستہ بچھا تھا

    جس پر میں اس جستجو میں چلتا جاتا

    تمہاری آنکھیں اصل میں کہاں واقع ہیں

    تمہاری پشت پر لپٹا سانپ

    میرے سینے پر رینگ رہا ہے

    کاش میں اسے

    اپنی ٹانگوں کے درمیاں گھونٹ سکتا

    دانتوں نے میرے ہونٹ برباد کر دیے

    میں تمہارے رخساروں پر

    ان کا تخم بونا چاہتا تھا

    زندگی میں نے بھیک میں وصول کہ

    اب وہ میرے گلک میں گل رہی ہے

    آج میں اسے توڑ دوں گا

    میرا دکھ کنوؤں کی ترائیوں میں اتر گیا ہے

    آج میں اسے ایک آنسو میں اکٹھا کر دوں گا

    تم اسے

    اپنی زبان کی نوک پر اتار کر تھوک دینا

    زمین پر

    یا میرے منہ پر

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے