aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

مری پیاری اماں

محمد حسین آزاد

مری پیاری اماں

محمد حسین آزاد

MORE BYمحمد حسین آزاد

    نہ کچھ مجھ میں طاقت تھی جس آن اماں

    نہ اچھے برے کی تھی پہچان اماں

    تمہیں سب طرح تھیں نگہبان اماں

    تمہیں کو تھا ہر دم مرا دھیان اماں

    مری پیاری اماں مری جان اماں

    مجھے پیار سے دودھ تم نے پلایا

    تھپک کر محبت سے تم نے سلایا

    بہت دن مجھے گودیوں میں پھرایا

    مجھے سکھ دیا آپ ہے دکھ اٹھایا

    مری پیاری اماں مری جان اماں

    کبھی اپنی گودی میں مجھ کو لٹانا

    کبھی میٹھی باتوں سے مجھ کو ہنسانا

    کبھی پیار کرنا گلے سے لگانا

    نہ بھولوں گا میں عمر بھر وہ زمانہ

    مری پیاری اماں مری جان اماں

    جو دکھ سے کبھی نیند مجھ کو نہ آئی

    تو اس فکر میں رات تم نے گنوائی

    کبھی کچھ دوائی کھلائی پلائی

    کبھی کوئی میٹھی سی لوری سنائی

    مری پیاری اماں مری جان اماں

    تمہیں نے ہے اچھا طریقہ سکھایا

    تمہیں نے ہے رستہ خدا کا بتایا

    تمہیں نے گناہوں سے مجھ کو بچایا

    تمہیں نے مجھے آدمی ہے بنایا

    مری پیاری اماں مری جان اماں

    بہت کی مرے ساتھ تم نے محبت

    اٹھائی مرے واسطے سخت محنت

    اگر دے خدا مجھ کو عمر اور دولت

    تمہاری بجا لاؤں ہر طرح خدمت

    مری پیاری اماں مری جان اماں

    مأخذ:

    اردو کی پہلی کتاب (Pg. 111)

    • مصنف: محمد حسین آزاد
      • ناشر: ترقی اردو بورڈ، کراچی
      • سن اشاعت: 1963

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے