مسکراتی ہوئی فضا ہو تم

مسکراتی ہوئی فضا ہو تم

مسکراتی ہوئی فضا ہو تم

گنگناتی ہوئی ہوا ہو تم

سرد لمحوں میں گھل رہی جیسے

ریشمی دھوپ کی ادا ہو تم

شام ہو جیسے جگنوؤں سے بھری

یا شب وصل کی سدا ہو تم

آسماں ہے یا تمہارا آنچل

یہ گھٹا ہے یا تمہارا کاجل

ادھ جگی رات میں بارش جیسے

چھنچھناتی ہے تمہاری پائل

یہ صبا ہے یا تیری خوشبو ہے

یہ نشہ ہے یا تیرا جادو ہے

ہے ترا حسن زندگی میری

ہے ترا عشق بندگی میری

تجھ سے یہ کائنات روشن ہے

تجھ سے میری حیات روشن ہے

میں جو دل ہوں تو میری دھڑکن ہے

تو مرا ظرف تو مرا فن ہے

میری سانسوں میں جستجو تیری

میری آنکھوں میں آرزو تیری

تو مری چاہتوں کا منظر ہے

میں ہوں صحرا تو تو سمندر ہے

میں خواب ہوں تو رنگ ہے شاید

تو میرے سنگ سنگ ہے شاید