nai duniya

MORE BYRajendra Nath Rahbar

    dil-e-majbūr mujh ko kisī aisī jagah le chal

    jahāñ mahbūb mahbūba se āzādāna miltā ho

    kisī narm-o-nāzuk haath apne haath meñ le kar

    nikal saktā ho be-khaTke koī sair-e-gulistāñ ko

    nigāhoñ ke jahāñ pahre na hoñ dil ke dhaḌakne par

    jahāñ chhīnī na jaatī ho ḳhushī ahl-e-mohabbat

    jahāñ armāñ bhare dil ḳhuun ke aañsū na rote hoñ

    jahāñ roñdī na jaatī ho ḳhushī ahl-e-mohabbat

    jahāñ jazbāt ahl-e-dil ke Thukrā.e na jaate hoñ

    jahāñ bāġhī na kahtā ho koī ḳhuddār insāñ ko

    jahāñ barsā.e jaate hoñ na kuuḌe zehn-e-insāñ par

    ḳhayāloñ ko jahāñ zanjīr pahnā.ī na jaatī ho

    kahāñ tak ai dil-e-nādāñ qayām aise gulistāñ meñ

    jahāñ bahtā ho ḳhūn-e-garm-e-insāñ shāh-rāhoñ par

    darindoñ jahāñ chāñdī ho zālim dandanāte hoñ

    jhapaT paḌte hoñ shāhīñ jis jagah kamzor chiḌiyoñ par

    dil-e-majbūr mujh ko kisī aisī jagah le chal

    jahāñ mahbūb mahbūba se āzādāna miltā ho

    dil-e-majbur tu mujh ko kisi aisi jagah le chal

    jahan mahbub mahbuba se aazadana milta ho

    kisi ka narm-o-nazuk hath apne hath mein le kar

    nikal sakta ho be-khaTke koi sair-e-gulistan ko

    nigahon ke jahan pahre na hon dil ke dhaDakne par

    jahan chhini na jati ho KHushi ahl-e-mohabbat ki

    jahan arman bhare dil KHun ke aansu na rote hon

    jahan rondi na jati ho KHushi ahl-e-mohabbat ki

    jahan jazbaat ahl-e-dil ke Thukrae na jate hon

    jahan baghi na kahta ho koi KHuddar insan ko

    jahan barsae jate hon na kuDe zehn-e-insan par

    KHayalon ko jahan zanjir pahnai na jati ho

    kahan tak ai dil-e-nadan qayam aise gulistan mein

    jahan bahta ho KHun-e-garm-e-insan shah-rahon par

    darindon ki jahan chandi ho zalim dandanate hon

    jhapaT paDte hon shahin jis jagah kamzor chiDiyon par

    dil-e-majbur tu mujh ko kisi aisi jagah le chal

    jahan mahbub mahbuba se aazadana milta ho

    Source :
    • Book : Yad aaunga (Pg. 136)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY